2018-2019 Chin Ramkulh Budget Chungin Thantlang Peng Caah 10,662 Million Leng An Hman Lai
Salai Elvis| 2018 October 30| 2018 October thla in 2019 kum September thla tiang ah ramkulh budget in Thantlang peng caah 10,662.966 Million an hman lai tiah Thantlang peng simanking zung in theih a si.
Hi chungah cozah zung kip cio ah an thenphawt ning hna cu: Se-miang zung (rian 12 caah) 458, Nah-ta-lah zung (rian 44 caah) 1481.584, dum hau tuahnak (kung-myint-leya) rian (4 caah) 117.5, ramkulh cozah budget a dangte (Thantlang khua dinti laknak caah) 1345.2, Upadi zung lungrualnak caah nuai 5.0, cazin checknak zung (lungrual le thirsur kulhnak caah) 21.96, Mei zung (rian phun 7 caah) 242.482, penguk zung (Hnaring khua zungsaknak le zungriantuan umnak inn caah) 174.8, Mei thahnak zung (Hnaring le Thantlang khua thilri cawknak caah) 33.69, Cinthlaknak zung (zung thilri cawknak caah) 2.5, Zaanglek zung (Hnaring khua certual tuahnak) 25.0, Lam zung (Hakha-Thantlang-Saisihchuak lam, Thantlang- Hanring-Rizua, Thantlang-Lungler lam, Thantlang khuavelnak lam le Saisihchuak ramri pehtlaihnak zung caah) 6138.49 le khuate thanchonak lam (rian 3 caah) 300.0 hna le Sipin (rian 11 tuannak ca le zung thilri herhhai caah) 316.76 an zapi Thantlang khua 2018-2019 kum tangka hman ding mi cu 10,662.966 (Millions) a si.
“Hi pin ah rampi budget aa tel rih lo. Fimcawnnak, ngandamnak, lah-wa-kah, palek, khuate thanchonak zung, vawlei zohfeltu zung le pian-cia-zi tibantuk cu rampi budget a si caah mah hna pawl cu kan thei rih lo. Ka ruahnak ah sing thong 4 in thong 5 cu a tla te kho men. Kum khat chung riantuan ding cio le rian i peknak zong November thla dih meeting nak ah kan tuah te lai” tiah Thantlang peng simanking zung lutlai nih TCP ah a chim.
2018 Mini budget (April- September) chungah ramkulh budget in Thantlang peng chungah rian tuan cia mi cu 5483.223 millions a si i rampi budget 1780.118 millions hman a si ve. 2017-2018 tangka kum ah ramkulh budget (a karlak ah chap chih mi relh lo in) 15267.682 Million le rampi budget 2750.760 million Thantlang peng caah rak hman a si.
