2018 Chungah Hman Ding Timhmi Chungin Kyats Billion 130 Leng An Thumh Than

0

TCP-Online| 2018 March 7| Kawlram ramkomh cozah nih 2018 kum cheu chung hmanding in an sengsonmi chung in Kyats Billion 130 leng cu March 6 ni Pyitaungsuh Hluttaw tonpumhnak ah an thum than ti kan theih.

Hiti an thumh mi cu 2018 April in September kar thla ruk chung ah hman ding in timhmi a si i Ministry Dept. pawl nih an chuahpi ciomi chung in Kyats 130 Billion leng an thumh than hi a si.

Hi kong he pehtlaiin ramkomh tangkaa lei tlaitu hruaitu chang U Aung Min nih “Ministry Dept. pakhat cio in vun chim cun a tam lai caah a zapi te komh in kan thumhmi cu Kyats 130 leng Billions a si ko. A bik in lakhruak Budget a si tikah a caan chung te i aa tuan kho ding ti kan ruahmi lawng papek in kan thum hna lo. A dang paoh cu kan thumh hna.”

Budget an thumh lomi Ministry Dept. hna cu ramkomh President zung, phunghram le phunglam lei khun zung, Election Commission zung, Sihni bawizik zung, Chawlehnak lei zung le cazi chektu zung hna an si i a dang Ministry Dept. paoh cu an thumh ngawt hna.

Ref:Irrawaddy

About The Author

Na ruahning rak langhter ve.. (Leave a comment)

%d bloggers like this: