2018 Kum Caankarlak Thimnak Tuahdingmi Ah Chin Ramkulh In MP Thutdan Pahnih Aa Tel

Chinland Post| 2018 January 16|

2018  kumchung ah Kawlram pumpi MP thutdan a lawnnak hmunhma paoh ah caankarlak thimnak tuahding in Amyotha hluttaw nih an fehter. Hi caankarlak thimnak tuahdingmi chung ah Chin ramkulh in MP thutdan pahnih aa tel ve tiah kan theih.

Kawlram ramkomh thimnak commission chungtel U Aung Myint nih Amyotha hluttaw tonpumhnak a dih hnu ah 2018 kumchung hrimhrim ah caankarlak thimnak kan tuah lai. Zeitik ni le thla ah dah kan tuah lai timi cu a fiang rih lo tiah ramchung thawnglatu hna sin ah a chim.

Caankarlak thimnak tuah dingmi ramkulh le ramthen in MP thutdan a lawnnak hmunhma hna cu;

Chin ramkulh, Pego ramthen, Mandalay ramthen, Sagaing ramthen, Magwe ramthen, Shan ramkulh le Rakhine ramkulh ah an si.

Chin ramkulh in Matupi peng  ramkulh hluttaw-1 MP thutdan le Kanpetlet peng in Pyithu hluttaw MP thutdan an lawng.  Chin ramkulh in MP thutdan pahnih a lawnnak a ruang cu thihlohnak ruang a si. MP an tuan chung ah hi vawlei harsat vanchiatnak in an nunnak a liam. Cu hna cu Matupi peng in ramkulh hluttaw palai MP Pu Hung Kheng le Kanpetlet peng in Pyithu hluttaw palai MP Pu San Khin a si.

Tutan caankarlak thimnak ah 8888 chanchuak siangngakchia pawl zong an i cuh ve lai tiah theih a si.  +++

Leave a Commnet

%d bloggers like this: