2018 Kum Carson Hall Hlan Man Sing 50 An Hmuh I Sing 5000 Dih In A Thar An Sak Lai

0

Salai Cung Cung |2019 March 13| Hakha Carson Hall cu 2018 kumkhat chung ah hlan man sing 50 (5,000,000) leng an hmuh i 2020 kum chung ah Sing 5000 dih in a thar an sak than lai tiah kan theih.

“Carson Hall cu mizapi nih hmanmi le a herh ngaimi a si caah kan hnu kum 2018 February ah khan Loklung ah HBA meeting kan tuah. Cu meeting ah cun zapi hnatlaknak in Carson Hall hi a thar sak ding ah hnatlaknak kan ngei. Carson Hall saknak ding ah kumthum chung HAB admin nih Budget a timhtuah lai. Cun Local Area nih 1% an pek lai. Hakha chung um le HBA ramchung zumtu vialte pumpak in an hlut khawh ding ah capek le lenkai an si lai. Ramchung ramleng HBA lei nih a si kho deuh mi pawl bawmhnak hal an si lai. HBA nih Sing 1500 hrawng hi kan ngei lai. Cun 2019 ah hin ramchung ramleng lenkainak kan tawlrel lai i 2020 ah Sing 5000 dih in thawk khawh ding saduhthahnak kan ngei” tiah HBA General Secretary Rev. Nawl Cung Lian nih The Chinland Post ah a chim.

Carson Hall hlan man cu, Thit-umnak tuah tikah a herhmi thutdan le umkheng telh in nikhat ah hlan man Sing 2 (200,000),  umkheng hman a herh lomi puai tuahnak cu nikhat ah Sing 1 (100,000), cun chun hlan asilole chunhnu lawng hlan man cu 50,000 a si. Thilri hrawhmi a um sual ah cun  a hlangtu nih liam dih a si tiah kan theih.

About The Author

Na ruahning rak langhter ve.. (Leave a comment)

%d bloggers like this: