2018 Kum Chinram Tanghra Sianginn 28 In Pakhat Hmanh Tanghra An Awng Lo

0

City Hunter| 2018 June 6| 2018 June 2 ah a chuakmi Chin ramkulh tanghra result thanhchuahmi ah Chin ramkulh tanghra sianginn 28 in sianngakchia minung pakhat hmanh tanghra an awng lo, an sungh dih. Hi tanghra sianginn 28 chung ahhin Hakha peng le Kanpetlet peng an i tel lo tiah kan theih.

Tanghra Awng Umlonak Sianginn Zat
2017-18 cacawn kum, Chin ramkulh ah tanghra siangngakchia umnak le camipuai a phitu an umnak tanghra sianginn zapi hi 91 a si. Hi chung ah minung pakhat te hmanh tanghra an awn lonak sianginn zapi hi 28 an si. Tanghra siangngakchia pakhat hmanh an awn lonak peng hna cu; Thantlang peng in sianginn 5, Falam peng in sianginn 4, Tedim peng in sianginn 2, Tonzang peng in sianginn 5, Mindat peng in sianginn 4, Matupi peng in sianginn 3, Paletwa peng in sianginn 5, a zapi sianginn 28 an si. Hi tanghra sianginn 28 chung ahhin Hakha peng le Kanpetlet peng an i tel lo.

Tanghra Awng Umlonak Sianginn Zat Le Milu
Thantlang peng tanghra awng um lonak sianginn 5 in tanghra camipuai a phitu zapi hi minung 33 an si. Falam peng tanghra awng um lonak sianginn 4 in tanghra camipuai a phitu zapi hi 29 an si. Tedim peng tanghra awng um lonak sianginn 2 in tanghra camipuai a phitu zapi hi minung 15 an si. Tonzang peng tanghra awng um lonak sianginn 5 in tanghra camipuai a phitu zapi hi minung 74 an si. Mindat peng tanghra awng um lonak sianginn 4 in tanghra camipuai a phitu zapi hi minung 31 an si. Matupi peng tanghra awng um lonak sianginn 3 in tanghra camipuai a phitu zapi hi minung 221 an si. Chin ramkulh tanghra awng umlonak sianginn 28 in tanghra a phitu zapi hi minung 407 an si.

2018 kum Hakha peng chung ah tanghra phitnak sianginn 7 cu; BEHS-No.1, BEHS- No.2, BEHS-No.3, BEHS-Surkhua, BEHS-Chuncung (siangsangrun then), BEHS-Dawrthar (siangsangrun then) le Chin Galaxy (private high School) an si. Cun, Kanpetlet peng chung ah tanghra phitnak sianginn zapi hi 5 a si.

2018 kum Chin ramkulh pengkip in tanghra result a tha bikmi cu Falam peng an si, zatuak 23.43% an awng. 2018 kum Chin ramkulh pengkip in tanghra result chia bikmi cu Paletwa an si, zatuak 4.25% lawng an awng.

Biakilh: A cunglei cazin hi Chin ramkulh Social Affair ministry zung ah kan laakmi cazin ningte in kan langhtermi a si.

About The Author

Na ruahning rak langhter ve.. (Leave a comment)

%d bloggers like this: