2018 Kumchung Myanmar Ram Mei Kangh Ruang Ah Nuaithong 5300 Renglo An Sung
TCP-Hakha | 2019 May 6| Myanmar ram pumpi 2018 kumkhat chung mei kangh ruang ah sungh zatlakmi zapi hi nuaithong 5300 renglo a si. 2017 kum nakin sunghmi a let 8 in a tum deuh tiah Pyihtayzi ministry zung in ramkomh minister ralbawi Kyaw Swe nih a chim.
2018 kum ah meikangh voi 1739 a chuak i sunghmi zapi hi nuaithong 5300 renglo a si. 2017 kum ah mei kangh voi 1832 a chuak i sunghmi zapi hi nuaithong 47000 renglo a si. Sunghmi zohti tikah 2017 kum nakin 2018 ah sunghmi a let 8 in a zor.
“Atu hi 2018-19 budget kum tiang meiphelh motor le seh thilri thazaang 3488 tiang kan chiah khawh cang i chanthar mei phelhnak le nunchanhnak rian thilri pawl zong chiahpiak chap kan si cang. Cu pin ah mei phelh zung riantuantu thazaang chap le riantuanning fimthimnak chimh an si ruang ah 2017 kum nakin 2018 ah a let 8 in sunghmi a tlawmnak hi a si” tiah Pyihtayzi ministry zung in ramkomh minister ralbawi Kyaw Swe nih a chim.
Meiphelh phu cu ramthen le ramkulh zunguktu zung 15, pengkomh zunguktu zung 74, pengkomh meiphelh sakhaan 74, peng meiphelh zunguktu zung 330, peng meiphelh sakhaan 330, tualchung meiphelh sakhaan 703, nawlonhmi thazaang 24659 tiang ser in chiah an si.
Ref: Mizzima News
About The Author
