2018 Miss Thantlang Thimnak Minung 20 Online In Vote Pek Khawh An Si Cang
Salai Elvis| 2018 Tho 20| Thantlang khua ah avoi khatnak TYA (Thantlang Yourh Association) nih October 24 zan ah tuahdingmi 2018 Miss Thantlang (Tho) thimnak cu ahlankan Online Vote peknak zong October 17 in 23 (zan 12:00) tiang mi zei pa0h nih vote peknak caan an hun cang.
“Thantlang khuachung sangthen 7 chungah minung pahnih in pali tiang cazin a pe mi zong an um hna i an zapi 20 an si. Online ah vote pek khawh zong an si cang. Asinain laksawng kong le Winner, First le Second runner up tiang kan tuah lai maw timi kong cu kan ceih than te lai” tiah Executive Director Mai Rem Hlei Par nih The Chinland Post ah a chim.
October 20 zingka tiang ah ahlankan online vote peknak in like le share a tambikmi pathum cu; Mai Anita Ngun Chin tial hi like 363 le share 534 a si. Mai Ni Din Par hi like 395 le share 531 a si. Miss Siang Chin Tial hi like 208 le share 482 a si, midang cu share a tam bik hi 200 velchum hrawnghrang lawng an si.
Online Vote peknak ding kongah zulhphung zong ser a si. Online vote pek ning cang cu 1: TYA Original Page, Share le Like a pemi lawng cohlan a si lai.
2: Oct 17-23 Sml 12:00pm tiang lawng Like le Share cohlan a si lai.
3: Miss Winner he pehtlaihnak a ngei lai lo. (Hi online kan tuahmi cu people choice ca lawng ah a si lai.)
4: Mark cu Share le Like lawng cohlan a si lai. comment aa tel lai lo.
Executive Director Mai Rem Hlei Par
Board Of Directors Salai Hri Ling ( Pa pu),
Dr. Victor Chan Bawi Lian
Members Khua Lian Hmung, Merry Van Cer Cin, Tial Tha Chin, Blessing Biak Tin Mawi, Dawt Tin Zi, Eunice Par, Dawt Hlei Sung hi tawlreltu phu an si.
2018 Miss Thantlang cu Marie Stopes Myanmar (Thantlang) ummi hna nih sponsor sing 5 an pek hna lai tiah theih a si.
About The Author
