2018 World Cup Ah Colombia In Carlos Sanchez A Hmasa Bik Red Card An Pek
City Hunter| 2018 June 19| June 19 zan suimilam 6:30 ah group H in Colombia le Japan an chuih. An chuih cangka minute pathum ah Colombia in Carlos Sanchez cu red card pek a tong colh. Red card an pek lio minute pkhat chung video a tanglei ah hun zoh chih khawh a si.
Japan lei nih goal a sut lio ah penalty rikulh chung ah Colombia in Carlos Sanchez nih a kut in a tongh. Cu ruang ah Referee Damir Skomina (Slovenia) nih dengteo in red card a pek colh. Japan in hmaikal Shinji Kagawa nih penalty a sut i a goal. Colombia in red card pek a tongmi Carlos Sanchez cu pumpululh chuihnak certual chung in a chuah colh ve caah Colombia lei cu minung 10 lawng an chuih cang. Carlos Sanchez hi 2018 kum World Cup ah a hmasa bik red card pek hmasa bikmi a si.
Minute 39 ah Colombia hmaikal Juan Quintero nih goal khat a sut ve. Atu hi dinhcaan an i dinh lio a si. Dinhcaan tiang 1-1 in an celh liopi a si.
Tuzan suimilam 9:30 ah Group H thiamthiam in Poland le Sengal an chuih than lai. Tuzan deilei suimilam 12:30 ah Group A in Russia le Egypt an chuih ve rih lai.
About The Author
