2019-2020 Fimcawnnak Kum Hakha Pengkulh Chung In Tanghra Thiamhlei A Awngmi Cawnglomhnak An Tuah

Tanghra Awn Thiamhlei Laksawng Peklio/IPRD Chin

Salai Bawi Lian Sang|TCP-Kalay| August 24, 2020| Chinram Hakha pengkulh chung 2019-2020 fimcawnnak kum ah tanghra thiamhlei a awngmi hna cawnglomhnak cu August 21 zing 10:00 ah Chinram fimcawnnak zung Taungzalat hall ah an tuah. Mah an tuahnak ah Hakha pengkulh bawi U Aung Ko Oo le Chinram ramkulh fimcawnnak zunguk bawi U Bi Ku Du hna nih cawnglomh laksawng peknak le  biachimnak an ngei tiah IPRD in kan theih.

Cun, Hakha pengkulh bawi U Aung Ko Oo nih Hakha Siangsangrun No.(1) in 4 D a hmu tu Master Cung Chin Sang (thiamhleinak voi (3) –Luyichun hmu balmi) le 4D a hmutu Tha Hlei Tial(thiamhleinak voi (2) Luyichun) hna cu cawnglomhnak laksawng a pek hna. Chinram Fimcawnnak zunguk bawi U BiKudu nih tang 9 in thiamhlei (Luyichun) a hmu mi hna le Hakha peng uk bawi U Myint Oo nih tang 8 in thiamhlei a hmumi hna cawnglomhnak laksawng an pek cio hna.

Mah dih cun, Thiamhlei an hmuhnak sianginn hna  Hakha Siangsangrun No.1 le No 3. Sianguk hna cu Pengkulh fimcawnnak bawi U Van Bik le cawnglomhnak ca a pek hna. 2019-2020 fimcawn kum ah Hakha Siangsang run No. 1 in thiamhlei (3), Siangsangrun No. (3) in thiamhlei 3 le an dihlak Mi(6) an chuak kho.

Kawlram chung ramkulh, ramthen awnnak percentage chiabiak ah Chin State(21.20%) le Cozah Fimcawnnak Zung thenning a chiabik – Shan (Nichuah lei) – ( 20.29%) 6D ngahlonak hmunhma – Chin & Karenni (Kayah), 6D tambik hmuhnak hmunhma – Mandalay, Kawlram Tanghra phimi 910,229, A awngmi – 291,798 (32.06%) an si.

Na ruahning rak langhter ve.. (Leave a comment)

%d bloggers like this: