2019-2020 Tangka Kum Chin Ramkulh Caah 260 Billion Leng Hman An Timh

Finance & Planning Minister Vui Kaw

Salai CungCung|2019 November 7|Chin ramkulh chung 2019-2020 tangka kum caah ramkomh cozah lei nih Kyats billion 260 pek a timh hna tiah kan theih.

Khua le ram thanchonak rian tuannak caah Ks. 263.289 billion a thlak piak hna i cu chungah ramkulh budgets Ks 127.228 le ramkomh budgets Ks 136.061 billion a si tiah October 31 Chin Media le ramkulh cozah tonbiaruahnak ah ramkulh si-man-king le tangka lei minister U Vui Kaw nih a chim.

“136,061 billion cu ramkomh cozah zung lei nih Chin ramkulh thanchonak caah hman ding timh tuah mi  tangka a si. 127,228 billion tu cu ramkomh cozah nih ramkulh cozah sin pek in ramkulh cozah khua le ram thanchonak caah timh tuahnak a ngeih mi ah Investment a thlak mi tangka a si” tiah Minister nih a chim.

2018-2019 tangka kum ah ramkulh budgets 110 le ramkomh budgets 110 billion lawng hi ramkomh cozah lei nih a rak thlak piak hna i tu kum ah ramkomh cozah lei nih ramkulh caah budgets a tam deuh in a thlak piak hna tiah kan theih.

“Ramkulh budgets hi peng 9 chung ah ai tluk tein hman khawh a si lo. Peng kip ah ramkomh le ramkulh nih planning tam deuh in timh tuahnak an ngei mi khua ah budgets hi tam deuh in thlak piak an si” tiah Minister nih a chimchap.

Chin ramkulh khuapi Hakha ah hlan lio pi in Education College, zaanglet sianginn, nau ngeih ternak sianginn pawl le Falam khua lei um Vanlawng certual saknak pawl cu hla lio in tu ni tiang ramkomh cozah nih a rak tawlrel peng mi a si caah planning tam deuhnak khua le planning tlawm deuhnak khua hna i budgets thlak mi cu ai tluk kho lai lo tiah a chimchap.

Chin ramkulh budgets chung ah tam deuh cu ramkulh chung lam le sul lei hi papek in rian an tuan caah lam rian tuantu zung lei nih an tuan mi lam quality hngak in pengkip budgets thlak ning ai dang, a sinain Na-Ta-La le Celet zung hna nih rian tuannak caah peng 9 chung budgets tluk tein tuan kho ding in an i zuam tiah kan theih.

Chin ramkulh chung Paletwa peng hi area kaubik le minung tambiknak a si ko nain Paletwa peng cu Celet zung lei nih an rian tuannak a tlawmnak hmun a si caah 2019-20 tangka kum ah Na-Ta-La le Celet zung caah budgets tambik an hal piak mi hna peng a si tiah kan theih.(Ref.Khonumthung)

 

Leave a Commnet

%d bloggers like this: