2019 Chin Ramkulh Motor-Cycle Khondennak In Minung 47 An Thi

Salai Cung Cung|2020 January 16| 2019 January in December thla tiang Chin ramkulh chung ah Motor-Cycle khondennak (accident) tonnak in a thi mi minung 47 an si i sunghzatlaknak man sing thong a si tiah Chin ramkulh PK zungin kan theih.

2019 kum chung ah khondennak voi 113 a cang, hliamhma tuar mi zapi minung 119, a thi mi zapi minung 47, an sungh mi zapi Ks.89,522,000 (sing zariat singsawmkua le singnga le thong kul le thonghnih) a si tiah kan theih.

2018 January in December thla tiang Chin ramkulh chung ah Motor-Cycle accident voi 105 a cang i a thi mi nu 9, nu hliamhma tuar minung 32, Pa a thi mi 39, pa hliamhma tuar mi 111 an si. Sungh mi zapi Ks. 72,586,000 a si tiah Chin ramkulh PK zung in kan theih.

Chin Ramkulh chungah hi bantuk khondennak a tam chin lengmang hi zu rit bu in cycle-motor mawngh ruang, cycle luchinh ichinh lo ruang, kumtlinlo cycle mongh le motor le cycle mongh thiam rih lo bu in a khalmi an tam caah a si tiah rianngeitu sin in kan theih.

2018 le 2019 Chin ramkulh chung ah accident tonnak Cazin ningin a thi mi le hliamhma tuar mi ah 2019 kum ah khan a tam deuh tiah kan theih. +++

 

Na ruahning rak langhter ve.. (Leave a comment)

%d bloggers like this: