2019 Dallas CND Paih Zuamcawh Ah Uk Ling Thang Nih Bual A Co
The Chinland Post| 2019 February 16 ah tuahmi Dallas, Chin National Day (CND) zuamcawh paih ah Uk Ling Thang nih bual a co tiah kan theih.
Tukum Dallas, Chin Miphun Ni paih zuamcawh paih champion cu Hnairlawn pathawng Uk Ling Thang nih bual a co. Tambik a teitu hi Van Uk a si. Dallas, Chin Miphun Ni caanhmannak ah Dr. Lian Hmung Sakhong nih a telpi hna tiah kan theih.
Uk Ling Thang hi NAPC (North America Paih Committee) tawlrelnak in February 9, Indianapolis ah tuahmi paih zuamnak ah zatlang paih he zuamcawh paih he a pahnihte in champion a co.
Hika ah 2019 kum Dallas tuahmi Chin Miphun Ni paih zuamnak an thlahmi video zoh khawh asi.
Tutan Dallas ah tuahmi Chin Miphun Ni ah hlasak zuamnak le mui dawh zuamnak tibantuk zuamnak a phunphun zong an tuah tiah theih a si.
The Chinland Post nih Uk Ling Thang biaruahnak (interview) kan ngeihmi zong a rauh hlan ah zapi rel khawh ding in kan rak thlah te lai.
About The Author
