2019  Hakha Pengkomh Nu Pumpululh Zuamnak Puai An Tuah

Salai Elisama | 2019  September 24 | Hakha pengkomh nih Hakha ah nu pumpululh zuamnak cu fimcawnnak zung le lentecelh zung fonh in vomtumaung celhtual ah september 20 ni ah an thawk tiah thawng kan theih.

Cu kong he pehtlai in pengkomh zaanglek in tuanvo ngeitu U Nai Mang nih “nikum ah U 21 pa kan tuah. Tukum cu nu i tuah ve seh kan ti caah kan tuah hi a si. Chin ramkulh chung ah a dang pengkomh cu an tuah dih cang. Kan mah Hakha pengkomh hi atu lawng kan thawk. Mi thimnak zong kan tuah chih lai. Hmaikum ah Chin ramkulh aiawh in Nay Pyi Taw ah chuih ding a si te lai.”

“Kan tuahhnawh chan mi cu kan Chin ramkulh chung in nu bawlung chuihthiam tampi chuak hna seh ti hi a si ko ”tiah a chim chap.

Hi lentecelhnak ahhin team (6) an i tel kho. BEHS (1) , (2), (3), (4) , Chin Galaxy le Sister hna an si. September ni 28 ah a dih lai tiah thawng kan theih.

Leave a Commnet

%d bloggers like this: