2019 Kum Chin Ramkulh Chungah Riantuannak Card Aa Tuah Mi Minung 8,880 An Phan

0

Labour Card

Salai Elvis|2020 January 16| 2019 kum khat chung ah Chin ramkulh huap in rian ngei lo mi riansoknak Card (Labour Card) aa tuah mi dih lak minung 8,880 tiang an phan tiah tuanvo ngeitu sin in theih a si.

“Riantuannak Card (Labour Card) hi kum khat ah voi khat lawng tuah piak an si. A kum luan ah cun hnon piak an si ko i riansok an duh pakhat khat ah a thar kum khat ca in lak than khawh a si. A luan cia 2019 kum khat chung ah hin an zapi minung 8,880 hna nih rian ngei lo ka si tiin Card (Labour Card) aa tuah mi an si hna. 2018 kum he kan ep-chun tikah kum khat hnu kum khat Card aa tuah mi an tam chim leng mang ko.” tiah ramkulh Labour Exchange Office lutlai U Hung Kee ni The Chinland Post ah a chim.

Riantuannak Card(Labour Card) aa tuah mi hna chung ah Nu (5,176) le Pa (3,704) an zapi 8,880 an si i cu chungah Cozah rian tuannak ca deuh ah Card a la mi deuh an si tiah theih a si.

“Abiapi cu cozah rian sok duh ah Card aa tuah mi an tam. A ruang cu Chin ram chungah Sehzung a um lo pin ah le biatak tein Sipuazi a tuah tu han nih riantuan tu an kawhauh tuk hna lo ruangah a si ko. Cun pakhat a um mi cu Hotel, lakphak dawr, le dawr dangdang a hngaktu hna zong hi minung pa nga cung an si ah cun phungning in rian soknak Card (Labor Card) an lak awk a  si nain a la mi an um lo. Cun riantuan tu le rianngei tu hna karlak zong ah a kum, a caan, thutdirnak kong le thla hlawh kongah Biahrennak (sar-choh) fek tein a um awk zong  a si.” tiah a cunglei upa nih a chimchap. +++

About The Author

Na ruahning rak langhter ve.. (Leave a comment)

%d bloggers like this: