2019 Kum Lai Cauk chuak Cauk tha bik laksawng ah CACC nih Dr. Salai Khin Maung Thein An Pek

Catialtu - Salai Khin Maung Thein

TCP-Hakha| 2020 March 31| Chin Association for Christian Communication (CACC), Literature and Publication Department nih 2019 Kum Lai Cauk tha bik Laksawng cu Dr. Salai Khin Maung Thein tial mi “Chin Khrihfa Mission Theitlai” Cauk an pek tiah thawng kan theih.

Dr.Salai Khin Maung Thein A Konglam Tawi

Dr. Salai Khin Maung Thein cu Kalaymyo peng ah a chuak i a pa Pu Ral Ceun(Lawngtlang khua) Lawngsang Phun le a nu Pi Par Tial (Ngalang khua)Zophei tlang hna i an fapa 2 lak ah fapa hniang a si. March 1999 kum ah Kalaymyo University in B.A (Grography) a dih. University of Yangon in 2004 kum March thla ah M.A (Geography) a lak. Cu hnu ah MATS Master of Arts in Theological Studies cu Philippine Christian University (PCU) 2015 kum ah a dih. MATS kai pah in 2013 kum in  Cavite State University(CvSu) ah Ph.D in Educational  Management (Candidate)course  vialte a cawn dih hnu ah Ph.D degree lak ti loin Trece Martires City College,Philippine tu ah aa thial than i, Doctor of Education( D.Ed) Degree(2017) kum  ah a  lak.

A riantuannak le Sining

Judson Education Centre, Kalaymyo, Myanmar ah a dirh i June 2006-2011 kum tiang a tuah. 1997-1999 kum tiang No. 9 Basic Primary School,Pinlon, le  Santa Private Basic Primary School, Kalaymyo, Myanmar hna ah saya rian a rak tuan.1997 Lai Mekazin University of Kalaymyo ah Joint-Editor a tuan bal. Chin Funtonnak Bu(CFB) dirhmi The Chin Time Journal ah (Chief-Editor) cu 2012 kum ah a rak thok tu a si. 2018 kum in Fidi Foundation le The Chinland Post ah chungtel rian a tuan lio mi a si. Chin Youth Organization, Kalaymyo-CYO, Advisor 2018-2019 le The Chinland Post (2020- Editor) Chin Education Researcher a tuah cuahmah lio a si.

Conglawmhnak a hmuhmi hna;

1.2018 kum ah Myanmar State Counsellor Daw Aung San Suh Kyi nih Doctor of Education (D.Ed) degree a hmuh mi Conghlawmh a pek. (Theihternak- Chin Miphun chung in Doctor of Education (D.Ed) Major in Educational Management degree a la hmasa tu a si.)

  1. 2018 kum ah Carson Baptist Church,Sanmyo 5, Kalaymyo nih D.Ed a hmuhnak ah cawnglomhnak an pek.

3. 2019 kum Sagaing ram Chief Minister Dr.Myint Naing nih(ႏုိင္ငံေတာ္အဆင့္ စာေပထူးခၽြန္ဆ)ု Rampi huap calei thiamsangnak Conghlawmhnak a pek.

  1. 29.3.2020 kum Chin Association gor Christian Communication(CACC) nih “ Chin Khrihfa Mission Theitlai“ timi 2019 chung Lai Cauk tha bik Laksawng an pek.

 Atial mi cauk hna:

  1. Rawn Chin Miphun Authawng (Voice for Chin Valley) Hakha language- 2016
  2. Semnak Iangngei Lairam (Charming of Mother Land) Hakha language -2018
  3. Chin Khrihfa Mission Theitlai- 2019

  Nihin tiang ah capar 50 hlei a tial cang. Atu ah Chin Khrihfa Mission Theitlai le Chanthar Fimcawnnak Philosophy (Modern Education Philosophy) le Chin Education Research timi cauk a tial i 2020 kum chungah a chuak zau lai.

Na ruahning rak langhter ve.. (Leave a comment)

%d bloggers like this: