2020 Ah Teinak Kan Hmuh Cun Tambik Teinak Hmutu Tlangcung Party Palai Kha Chief Minister Kan Pek Lai

TCP-Hakha| 2019 May 16| A ralaimi 2020 thimnak ah USDP party nih teinak kan hmuh ahcun ramthen le ramkulh ah tambik teinak a hmutu tlangcungmi party hna kha Chief Minister rian kan pek lai tiah Kachin ramkulh Party Secretary U Soe Thein nih a chim.

Myitkyina khua ah a hmasabik tuahmi ramkulh dirhmun chimnak nawlnngeitu hna le media hna ton biaruahnak ah atu bantuk in a chim hi a si.

Phunghrampi pohmah 261 ah zeibantuk in aa tial ah siseh, federal phunglam kha a papek ahcun ramkulh pakhat ah tambik teinak a hmumi tlangcungmi party hna duhmi, anmah nih an chuahmi palai kha Chief Minister rian pek awk an si tiah U Soe Thein nihcun a chim.

USDP party cu tlangcungmi kongkau kha papek in a tuanmi a si caah atu bantuk in a chimmi hi ramkulh lungput si lo in central party lungput a si tiah theih a si.

Ref: RFA Burmese

Leave a Commnet

%d bloggers like this: