2020 AhChinram Kulh Motor PK nih Cycle, Mawtaw Zulhphung A Buar Mi Hna Sin In 23,850,000 MMK An Hmuh
Hakha Traffic Police Zung/TCP
Salai David Van| TCP-Hakha| 2020 January 11| 2020 chungah Chin Ramkulh Motor PK nih Chinram Kulh Chung ah Mawtaw, Cycle zulhphung a zul lomi pawl dan kan pek mi hna Phaisa 23,850,000 MMK (sing zahnih le singsawmthum le singriat le thongsawmnga kyats) asi tiah Hakha PK Zung tuanvo ngei sin in kan theih.
Hi kong he pehtlai in Hakha PK zung tuanvo ngei nih “Chinram Kulh Chungah kan tleihmi cycle, mawtaw dihlak hi 755 an si i sualphawtnak dihlak hi 757 a si. A tu bantuk in kan tleihmi hna hi a tam deuh cu cycle luchin chinh lo ruang deuh ah a si. Cycle Luchin tha tein an i chinh ko ahcun Licence le Driving Licence tbk pawl hi kan check tuk hna lo. Aruang cu Chinram Kulh chungah Kah Ngiah Nah (Driving Licence tuahnak) zung ့hi Hakha lawngah a um caah Tedim, Matupi tbk Khuapi dang dang cun Driving Licence tuah a har deuh caah Driving Licence kan check tuk lonak a si” tiah tuanvo ngeitu nih TCP ah a chim.
Chinram Kulh chungah Mawtaw, Cylce Zulhphung kong i cawnpiaknak hi 2020 kumkhat chungah voi 180 kan tuah i kan cawnpiakmi hna minung dihlak hi 36,769 an si. Kan cawnpiak mi hna hi Sianghngakchia, Cozah riantuan, Ralkap le Mipi an si hna tiah tuanvo ngeitu nih TCP ah a chim.
