2020  Chin Ramkulh Thimnak Ah Mee Thlatu Minung 60,000 Fai An I Chap Lai

0

Vote

The Chinland Post|Hakha|2019 September 20| Aralaimi 2010 kum Kawlram pumpi thimnak ah Chin ramkulh ah 2015 kum thimnak lio nak in thimfung (mee) a thla kho ding minung (67,195) an i chap lai tiah Chin ramkulh thimnak zung sin in kan theih.

Aluancia mi 2015 kum thimnak ah Chin ramkulh in thimfung (mee) a thla khomi dihlak 275, 418 an si i, 2020 kum ahcun thimfung a thla khomi dihlak 342,613 an si lai tiah thawng kan theih. Hihi September thla 17, 2019 ah Chin ramkulh thimnak zung nih cazin a chuahpi i ramkulh uknak zung le lawakah sin cazin chek ding in a pek cang hna tiah kan theih.

“Thimnak Comission zung nih khuakip dihlak ngan lo in cazin kan lak i kan khawmh dih cang. Mithar thimfung a thla ding cazin kan lakmi hi 2015 ah kum a tling lo i tutan 2020 ah thimfung pek ding in kum a tlingmi an tam. Cu pin ah inntaungsuh cazin thar a ngeimi le hmundang in Chin ramkulh ah a rak pem i a ummi zong aa chapmi ah an i tel. 2020 Kum December 31 tiang ah Kum (18) a tling dingmi cazin kan lak dih. Thimnak hna November ah aa tuah ahcun atu cazin ning in a si hnga lo. Nain a tlawmbik mithar thimfung a pe kho tu ding hi 2015 nak in minung (56,000) cu an i chap te lai,” tiah Chin ramkulh thimnak zung in chungquan U Lynn Kyaw nih The Chinland Post ah a chim.

2020 kum thimnak ah mithar thimfung a thla kho ding an i chap ning cu, Hakha peng in minung  7124, Thantlang peng in 5802, Falam peng in 8506, Tedim peng in 16,705, Tonzang peng in 5294, Mindat peng in 4649, Kanpetlet peng in 1784, Matupi peng in 8063 le Paletwa peng in 9268 an si.

Aluanciami 2015 thimnak ah Chin ramkulh in NLD nih MPs tampi an hmuh i, USDP – MP 4 le ZCD in MP pahnih an tling ve tiah thawng kan theih.

 

 

About The Author

Na ruahning rak langhter ve.. (Leave a comment)

%d bloggers like this: