2020 Kum Chinram Kulh Chung Cycle Accident In Minung 43 An Thi_Minung 170 Hliamhma An Tuar

Salai David Van| TCP-Hakha| 2020 January 11| 2020Kum chungah Chinram Kulh chungin Cycle khondennak in sualphawtnak 116 a um. Hi sualphawtnak  ahhin cycle khawndennak in minung 43 an thi i minung 170 hliam an tuar tiah Hakha PK (Traffic Police) Zung tuanvo ngeitu sin in kan theih.

Hi kong he pehtlai in Hakha PK Zung tuanvo ngeitu nih “A tu bantuk in khondennak ruang i sualphawtnak 5 hi cu Cycle Brake that lo ruangah a si i  minung 6 hliamhma an tuar, minung 2 an thi. A dang paoh paoh hi cu dinrep (Siikaan) ngei lo, duhpoh in cycle aa khalmi deuh an si” tiah TCP ah a chim.

“Hi bantuk in cycle khondennak a tlawm deuhnak hnga Chimram kulh chungah cycle khalning zulhphung fimchimh cawnpiaknak voi 180 kan tuah i hi cawnpiaknak ah hin minung 36769 an i tel” tiah Hakha PK zung tuanvo ngei nih TCP ah a chim.

“Hi bantuk in Cycle Khondennak kan ton lonak hnga Cycle kan i cit fatin ralring tein cycle monng hna usih law cycle luchin zong felfai tein i chinh peng hna usih” tiah a biapeh ah a chim.

Chin ramkulh PK zung nih phung ning tein cazin an lakmi lengin Cycle khondennak hi Chin ramkulh ah cycle a tam bantukin a tam ngaingai cang tiah kan theih.

Na ruahning rak langhter ve.. (Leave a comment)

%d bloggers like this: