2020 Kum Hram Thok In Kalaymyo Khuachung Lam Mei Thlai le Lamkauh An Tuah Lio

Kalay-TCP| 2020 January 20| 2020 kum hram thok in a voikhat nak lam area ah mei thlai ding tiah an ti i Kalay Airport in nitlak lei Kalay-Tahan karlak lam mei tung kip ah Grace Light Lighting Solution, Supply Services nih tuanvo lak in mei tung bungh in mei an tlai thluahmah cang.

Bogyoke lam nitlak lei furlong 4 khar ah pe 90 lam caah lam kam tiluannak zong an co, a ruah hlan ah Sagaing ramthen chung ah Khua dawt, Khua lianngan khua pi dawt si dingin saduhthahnak ngei in an sersiam cuahmah. Kalaymyo Bogyok lam pe 100 lam ser ding in Sipin le Kalay khua nupa tonnak hnathlak in lam kauh hram thokmi a si. 2018-2019 budget ah Kalay-Falam-Hakha lamtuahnak ah Ks (296.3)million dih in Lam le sul Department nih budget pek a si. A tu ah Lamsung in nithlak lei an hun kauh cang caaah Tahan tiang cu 2019 kum ah an dih hngawt cang.

A tu hi R.T.C in Shin Hong Hotel in Buta lamsung tiang an hun kauh tik ah cheukhat inn hna hrawkpiak a tong mi le warranda tiang lakpiak hi an tam ngai. A tu nithlak lei Nylone kattaya hi Sanmyo Phungci cawng tiang an phan. Khaikam peng tiang a phan lai. Bogyok lam kam ummi hna cu cozah nih a lak tein lamserpiak a si ko natein secondline in a hnu lei vialte cun Kattaya lamphanh ah cun ngeitu nih pekhat ah kyat 5000 pek a si tiah thawng kan theih. +++