2020 Thimnak Aa Cuhding Laihlum Papek An Si Lai: Hakha NLD
The Chinland Post Hakha| 2019 September 27| Aralaimi 2020 kum thimnak aa cuhding mi ah Hakha NLD nih cun hmundang ah um i a rak i cuh nakin Laitlang chung ah khua a sa i a ummi cuhnak nawl pekding in saduh kan thah tiah Hakha NLD in CE chungtel pakhat nih The Chinland Post ah a chim.
“Biakhiahnak le biachahnak cu kan ngei rih lo. Asinain tamdeuh nih cun hmundang ah rat in a rak i cuhmi nakin Laitlang ah a hlum i aa cuhmi hi kan duh deuh hna. Mizapi lei zong nih cutin an kan ti.
Hmundang ah um in an rak i cuh tikah thimfung an pek hna. Asinain thimfung petu mipi le anmah MP kar pehtlaihnak tampi a chambau. Cucaah 2020 thimnak cu Laihlum ummi hi i Candidate caah papek ding in timhtuahnak kan ngeihmi hi a si,” tiah The Chinland Post ah a chim.
NLD bantuk in Chin Party pakhat a rak simi CNDP, Thantlang zong nih a luanciami thimnak lio ah Lai a hlum mi tu thimnak i cuh tikah papek deuh ding in biachahnak an rak ngeih bal.
Aralaimi thimnak kong ah NLD in siseh, Chin Party fonh in dirhmi siseh, USDP siseh, NUP siseh nihin tiang aa cuhmi thim chungnak an ngei cio rih hna lo tiah thawng kan theih. +++
About The Author
