2020 Thimnak Khaikam Peng Ah Innchungkhar 683 Chung in Thimfung Thla Kho Minung 2318 An Um

0

Salai Bawi Lian Sang|TCP-Kalay| July 27, 2020| Khaikam peng ah khuachung ah sang (4) ah milu dihlak 3753 an si. Me thlakho ding ah 2318 an um. Pengchung ah Inn 670 ah innchungkhar 683 an um. Nihin ni July 27, 2020 tiang ah Party (3) an um cang. Mah hna cu NLD, USDP le UDP hna an si. Peng chung ummi miphun hna cu, Kachin-0.14%, Karen-0.35%, Bamar-10.86%, Rakhine-0.19, Shan-0.05 le Chin 88.5% an um i Chin miphun an tam cem tiah theih a si.

Khaikam peng cu July 4, 1997 kum ralkap cozah chan nawlchuahnak ca(51/97)ah thinghual vawlei(313)acre a simi Khaikam Myo serdingin inn le lo umnak ding tiah ca an rak chuah. February 11, 2016  ni nawlchuaknak ca(400/2016)ah khuachung sang (4) aa telmi Myo pakhat an hun ser i myo onnak cu 26.3.2016 ah Chin ram Uk tu U Hung Ngai nih Myo on nak a rak tuah. Peng uk zung cu 20.7.2016 ah a hun um. Peng chungah Khirhfa biakinn 13 le Laipiang biakinn 2 an um. Buddhist biaknak ah Phaya -,Se -Ti(Pagoda)1 , Phungci cawng 2 an um.

Fimthiamnak lei ah  High School 1,Middle School 1, Mulun Primary School 1 an um.Sianginn dihlak 3 an um. Nihin Kalay University cu Hlan ah Khaikam College a rak si natein tu ah cun Sagaing ram chung ah khumh a si cang.

About The Author

Na ruahning rak langhter ve.. (Leave a comment)

%d bloggers like this: