2021 Kum Chungah Chin Ramkulh Khuapi 9 Mahadat-Aa-Line Mei An Pek Dih Lai

Salai Elvis| 2020 January 29| Chin ramchung khuapi 9 hna cu 2021 kum chung tiang ah Maha-dat-aa line mei pek khawh dih dingin timhtuahnak ngeih a si tiah ramkulh sipin vuanci nih a chim.

Khuapi  a si mi Hakha, Thantlang, Falam, Kanpelet le Mindat cu tlamtling tein pek  a si cang i tukum chung ah Matupi zong an dih colh lai.

“Maha-dat-line mei hi khua 5,  Hakha, Falam, Thantlang, Kanpelet le Mindat lawng kan pek khawh rih hna. Tedim, Tonzang le Paletwa an tang rih. Matupi khua tu hi tukum chungah ramkomh cozah budget in riantuan lio a si i June/July  thla hrawngah Mei pek khawh a si lai ka zumh. Budget zong a tlamtling i Mei hri an zam ning, a lam u tuning zong a tha ngai. Tedim, Tonzang le Paletwa hna cu 2020 kum chung ah hin a har rih lai caah 2021 kum ah hin an ngah te lai.” tiah Electric & Sipin vuanci U Soe Htet nih TCP ah a chim.

Khuapi he aa neihniam deuh nak khua te  lei zong 11Kv Maha-aa dat-line mei pek ding zong budget umtu ning zoh hnu ah tawlrel le phawtzamh ding timhtuah a si.

“Khuate hrawnghrang thanphawtnak kongkau tu cu ramkulh budget in kan tawlrel thiam lai, mah pin ah tangka um tuning zoh hnu ah duhsah in  tawlrel ding khi a si. 2019-2020 kum ramkulh budget hi tlawmpal lawng kan hmuh i Mei caah hin 7.3 billion lawng kan hmuh, cucu khuapi 9, khuapi teng (myo pek thar mi) 6, khua te he cun khua 20 hrawng caah hin phawtzamh ding a si. Cucaah kuate lei zong budget umtu ning zoh hnu ah pek an si te ko lai.”tiah a chimchap. +++

 

Na ruahning rak langhter ve.. (Leave a comment)

%d bloggers like this: