2022 kum cheu chungah Myanmar mipi 3 million leng bawmhnak kan pek khawh tiah UN OCHA nih a thanh
The Chinland Post | 2022 August 11 – Umkalnak a har tukmi dirhmun chungin ramchung le ramleng phu tampi nih 2022 kum cheu chungah Myanmar mipi 3 million leng caah bawmhnak kan pek khawh tiah UN OCHA nih a thanh.
Peng le ramṭhen tampi ah kahdohnak a fah ruangah innlo a zaamtakmi le mipi a thimi an tam chin i August 1 tiangah innlo a zaamtakmi 1.2 million an lonh tiah a chim.
UNICEF nih a hnubik a langhtermi cazin ah 2022 January in May thla dongh tiang bomrap le SAC hriam tantakmi ruangah a thimi 162 an um tiah theih a si.