Ye Hlei Ah A Um Mi Ralkap Gate Ye Bilu Phu Nih Drone In An Kah
The Chinland Post | 2023 March 28 — Mon ram, Ye peng ah a um mi Ye hlei gate cu Ye Bilu phu nih March 27 zinglei ah Drone in bom an thlak tiah theih a si.
Mipi hriamtlai phu nih an kah mi hriamngan sakhaan chung ah a tlak caah a thi mi an um kho tiah theih a si.
Kahdohnak a dih ah, SAC lei nih hriamngan voi 10 leng an kah tiah Ye bilu hruaitu nih Mizzima ah a chim.
March 27 kha Ralkap Ni a si i Ye hlei gate zong ah thazang 60 leng a rak chap tiah theih a si.
Gate chung ah Jammer pawl an bunh caah Ye bilu phu Drone an tla i Mon ram chung i a biapi deuh nak hmunhma pawl ah SAC nih Jammer pawl a bunh dih caah adang dothlennak phu pawl nih Drone in kahdohnak tuah tik ah ralrin ngai a herh tiah a chim fawn.
Cun a luancia February 19 zong ah Ye bilu phu nih Ye hlei an va kah i SAC ralkap 15 nak tlawm lo an thi tiah theih a si.
About The Author
