A Eihmuar Taktak Maw Timi Ngunkhuai Tlaitu Director Yin Min Aung Hlathlainak An Tuah Cang Lai
TCP-Thantlang| 2018 May 19| Eihmuarnak kongah a thawngpang chimceih a tongngai mi ngunkhuai tlaitu (a-khunn) Director Yin Min Aung cu zungrintuan tu upadi ning in hlathlainak le zohfelnak kan ngeih cang lai tiah rampi tangka tlaitu vunci pakhat a si mi U Maung Maung Win nih a chim.
May 17 Naypyidaw ah cozah nih kumkhat chung an riantuan mi fianternak an tuah dih hna i thawngfiangnak an tuah chih lio ah a cunglei thawngpang cu an hal i rampi tangka tlaitu a si mi U Maung Maung Win nih a tu bantuk in a chim hi a si.
“Hi kong he pehtlai in cozah zung riantuantu upadi ningin, zung riantuan mi chung in committee ser a si i a dotdot in kan hlathlai liopi a si. Aherh ning in kan hlathlai lio a si i tette pawl zong kan khawmh suat liopi a si ko i kan pehzulh ko lai” tiah U Maung Maung Win nih a chim.
Atu bantuk in 2016 May 26 ni ah ngunkhuai tlaitu pakhat cu ramthen le pengkip ah a rian aa thialkammi a si i mah lio ah khual a tlawnnak khuakip ah a herhmi cu chimhruahnak a ngeih dih hna in ngunkhuai nan pek lai timi thawngpang a chimmi cu President zungpi nih hlaihlai ding tiin ca a ra tiah ngunkhuai Director pakhat a si mi U Thein Swe nih a chim.
May 13 ni Facebook chungah a larngai mi ngunkhuai Director U Maung Maung Win nih a chim mi a bia le a hla cu eihmuar thazaang a pekmi hna a si tiin mizapi nih cun an ruah caah a tubantuk in chekhlatnak tuah an timh hi a si.
Ref: Irrawaddy
About The Author
