A fiang ti lomi hmailei caah music in Pau Dothlennak ah a telmi Htun Kham
The Chinland Post | 2022 June 8 – A luancia decades 2 lio hrawngah a rak chuakmi alblum “ပျောက်ဆုံးဝိညာဥ်လေး” a rak tuahtu Htun Kham cu 2021, ralkap nih hramhram in uknak a lak hnu ah mipi he lampi chuak in a fiang lomi hmailei caah guitar he mipi dothlennak ah aa tel ve.
“Pau Dothlennak ah guitar tum in hla ka sa. Charity tuahnak hna ah ka tel kho. Atu himnak hmun lei ka phak tikah Kalay khua i ka hawi a simi Vartel nih Charity for Myanmar ah rak kan telpi ve a ti i Aizawl thok in, Champhai, New Dehli khua hna ah ka ti khawhmi music lei in miphun thleidang loin Myanmar ram ah a taangmi ralzaam hna caah ka ti khawhnak lam in ka zuam i ka tel kho ve. Champhai ah tuahmi thil zuarnak ah kan hawile nih thil an zuar, kei nih hla ka sa. Guys from Chin phu pawl he” tiah Htun Kham nih Mizzima ah a chim.
Ralkap nih hramhram in uknak a lak hnu ah Kalaymyo ah khua a sami Htun Kham cu mipi he lamcung chuak in duhlonak a langhter ve.
Kalaymyo ah tuahmi duhlo-langhternak ah a lam phunkip in aa teltum ve. Muisician pakhat a si caah a biachimmi pawl cu thawngzamh kip ah langhter a si. CDM cawlcanghnak ah teltumding in media cungah forhfialnak a tuah tikah SAC nih tlaih an timh caah Kalaymyo in Chinram ah a zaam.
Cu hnu ah Kalaymyo ah a kir ṭhan i a chungkhar sin ah a um ṭhan. Sihmanhsehlaw SAC nih tlaihding in a inn ah an kawl tiah thawngpang a theih tikah a chungkhar he Mizoram ah an hartak in an zaam ṭhan.
1995 hrawng Chin ramkulh, Tonzang khua in Yangon ah ṭhial in music lei cu May Studio ah ringawn tlaitu dirhmun in a rak thok. A huamtuk ruangah a phanmi hla pawl cu kha chan lio minthang hla satu pawl nih an rak uar tuk i J Maung Maung, Graham hna i an album hna ah hla a rak phan piak hna. A minthang bik Htun Kham hla fungkhat cu Graham sakmi “အချစ်စွမ်းအား” hla a si.
Cu lengah, ပျောက်ဆုံးဝိညာဥ်, မျက်ရည်အက်ကြောင်း album timi a rak tuah i, nu le pa in sakmi hla tampi lengah Tedim holh in sakmi hla tampi a rak sa.
Cu chungah, ကျေးလက်တောင်တန်း hla cu Htun Kham caah mi tambik theihmi le minthang bik hla zong a si. Cucaah, 2018 ah American hrambunh a simi Chin TV nih pekmi music award zong a rak ngah.
“Musician timi cu party ṭanhnak, miphun ṭanhnak, biaknak ṭanhnak thinlung kan ngei lo. Atu kan tuahmi funding kawlnak zongah mah phu nih tuahmi a si ruangah timi a um lo. Asinain, micheu nih an i fiang lo i mah puai cu kalding a si lo tiah comments tampi a um. Cu bantuk minung hna nih musicians pawl hi an kan theihthiam a hau. Kan nih musicians pawl nih cun zalongmi ram le a ṭhangchomi ram kan duh” tiah music cung a hmuh ning kha Mizzima ah a chim.
“Teinak kan hmuh hlan lo” ka ti khawhnak lam in teltum ding ah lungthlehnak ka ngei. Keimah telh in kan ti khawh tawk, a biapi in kan chungkhar nih an ti khawh nak lei in dothlennak kan tei tiang kan kalṭi lai tiah lungthlehnak kan ngei” tiah a fiang lomi hmailei caah kar a hlan cuahmah lio a si.
Ref: Mizzima
About The Author
