A raa laimi ASEAN Meeting ah SAC hruaitu an sawm lo

The Chinland Post | 2022 October 4 – Cambodia ram, Phnom Penh khua ah a raa laimi November thla ah an tuah ding mi a voi 40 le a voi 41 nak ASEAN Meeting ah SAC hruaitu cu Cambodia nih an sawm lo tiah The Phnom Penh Post nih October 4 an a ṭial.

SAC hruaitu General Min Aung Hliang cu ASEAN Meeting ah an sawm lo tiah Cambodia ramdang lei Ministry biachimnak nawl a ngeitu Chum Sunry nih a feh ter tiah an langhter.

“ASEAN chungtel ram vialte kan sawm dih cang hna. Asinain Myanmar aa tel lo. Myanmar ram cu cozah he aa pehtlai lomi palai pakhat kai ding in kan sawm” .

ASEAN hnatlaknak 5 kha a ṭuan kho lo tiah Cambodia cozah nih a ti i a luancia February ah an tuahmi ASEAN Defense Ministers’ Meeting ah SAC ramdang lei Minister Wana Maung Lwin cu an rak sawm lo.

Cu lio zong ah Myanmar ram cozah a si lomi palai pakhat kha Cambodia cozah nih a rak kai ter.

A raa laimi ASEAN Meeting cu November 8-13 tiah Cambodia ram, Phnom Penh khua ah an tuah lai.

Na ruahning rak langhter ve.. (Leave a comment)

%d bloggers like this: