A Rian In Aa Phuakmi US Ambassador Nikki Haley Ai-ah Ka Fanu Rian Ka Pek Lai; Donald Trump

0

City Hunter| 2018 Tho 10| American President Donald Trump cu UN lei kongkau US Ambassador Nikki Haley nih a rian a phuahtak nain amah thutdan ah ka fanu rian ka pek lai tiah Donald Trump nih October 9 ah a chim.

Nu pakhat a simi UN lei kongkau US Ambassador Nikki Haley nih a rian a chuahtak ruang ah a chungkhar thatnak le hlawknak lawng a tuah ti an soisel lo ahcun khuaruahhar in ka fanu Ivanka Trump rian ka pek lai tiah a chim.
Asinain Ivanka Trump tu nihcun hi thutdan a hmu kho tiah biachokvai a chuakmi cu rianrang taktak in hnonnak bia a chim.

“A fimthiam tukmi riantuanti hawi tampi he White House ah riantuan hi kaa lunghmuih tuk cang. Hi ambassador Nikki Haley thutdan aiawhtu ding cu a fim taktakmi President rian a pek ko lai. Hi rian pek dingmi ah keimah cu ka si lo” tiah Twitter ah a tial.

Tuan deuh ahkhan UN lei kongkau American Ambassador Nikki Haley a rian in aa phuahnak kong cu President Trump nih a thanh.

“Kanmah lak in mi fimthiam tampi hna he hi a lawngmi thutdan caah hlathlai zohfelnak kan tuah” tiah White House ah thawnglatu hna sin ah Trump nih a chim.

“Ivanka cu hi thutdan caah thazaang taktak a si lai. Hihi chungkhar thatnak le hlawknak ka tuahmi a si lo. Asinain, nan sin ah biachimh kaan duh hna. Mi tampi nih an hngalh, zeidah a si ti cun Ivanka hi thazaang pakhat a hung si lai timi an hngalh. Asinain, nanmah nih nan hngalh ko. Cuti rian ka pek ahcun anmah chungkhar thatnak a duh caah a tuah ti in a kan soisel ko lai” tiah Trump nih a chim.

Trump cu 2016 kum i President i thim a si hnu ah amah chungkhar pawl hmunhma a pek hna ruang ah soiselnak tampi a tong. Ivanka le a pasal Jared Kushner cu White House ah thlahlawh laak lo in a sang ngaimi ruahnak petu in rian an tuan.

Nikki Haley thutdan ai ah Goldman Sachs Investment Bank le tangka lei kongkau ministry zung i minister hlun a simi Dina Habib Powell hi rian pek a timhnak kong Iowa ramkulh ah White House in a chuahlai te thawnglatu hna sin October 9 ah a chim.
Ref: Mizzima

About The Author

Na ruahning rak langhter ve.. (Leave a comment)

%d bloggers like this: