A Riantuan A Nuar Tuk Tiin Magwe Ramthen Sipin Minister Report A Tong

Salai Aung Aung| 2018 June 19| Magwe ramthen cozah phu chung Planning, Finance le Sipin Minister cu Cozah phu budget cazin ramthen hluttaw sin a chuahpi a hnut caah a riantuan a nuar tuk tiin Hluttaw speaker le Palai cheukhat minthut in President sin ah ca an tial.

2018-2019 tangka kum ca hman dingmi budget cazin cu Minister U Zaw Minn nih thlakhat hnu lawngah ramthen hluttaw sin ah a chuahpi caah budget cazin 5 billion in 10 billion tluk aa remchunh kho lomi a um nain zohthannak caan a um ti lo i cuti cun fehter a si tiah tangka cazin committee haotu U Tinh Lwin nih a chim.

“2018-219 budget chekfel ding ahhin hluttaw upadi pohmah 135 ning in ahlankan thlakhat in cazin chuahpi ding a si. Thla khat ti awk a tlai caah chekhfel nak caan kan ngei ti lo. Nikhat chung kan zoh tikah 5 billion in 10 billion kar tluk paoh cu cizan aa kaih lomi, aa dang mi kan hmuh. Asinain ceihruah in remhchunnak caan kan ngeih ti lo caah cuti ning cun kan fehter. Cu kong cu hluttaw palai dihlak nih minthut in President sinah June 15 ah khan ca kan tial.”

Ref: RFA

Na ruahning rak langhter ve.. (Leave a comment)

%d bloggers like this: