A voi 2nak Hakha Zophei Mino Cup Ah Hriphi Nih Champion An Hmuh

0

Congthia le Ngalang an chuih lio Hakha Zophei Youth Fellowship/ TCP

Salai CungCung|2019 October 21|Avoi 2nak Hakha Zophei Youth Fellowship pumpuluh chuih zuamnak October 14-19, 2019 ah Aibur le Hriphi final an kai i Hriphi nih Champion an co tiah kan theih.

“Tubantuk in tlamtling tein HZYF Cup kan lim khawh caah khuakip a rak chuak kho mi cung lung lawmhnak tampi kan ngei. Hi bantuk lentecelhnak kan tuahnak thawngin Zophei mino hna ai theih bal lomi zong tampi kan i theih hna, cun pakhat le pakhat hawikomhnak tampi zong a chuak. Hmailei ah khua le ram caah hmunkhat te riantuanti khawh hna uh sih ti kan duh caah tubantuk in kan tuah hi si. Hmailei zong ah kan pehzulh peng rih ko lai” tiah HZYF Sport Committee chungtel Salai Tum Za Sang nih The Chinland Post ah a chim.

Avoi 2nak HZYF Cup 2019 lentecelhnak ah pumpululh chuih zuamnak Champion cu Hriphi, nu Volley ball Leitak, pa Volley ball Hlamphei an si. Avoi 1nak HZYF Cup Champion 2018 zong ah Hriphi nih pakhatnak an hmuh tiah kan theih.

Hi lentecelhnak ah laksawng pawl cu, pumpululh chuih pakhatnak ah Ks. 250000 le Seal, pahnihnak  Ks. 150,000, Pa Volley ball pakhatnak Ks. 100,000, pahnihnak Ks. 50,000, Nu Volley ball pakhatnak Ks.100,000, pahnihnak Ks. 50000 le thiamhlei laksawng pawl cu certificate pek an si. Hakha Zophei Youth Fellowship (HZYF) Cup ah Aibur, Leitak, Congthia, Ngalang, Lawngtlang, Khuabung, Zephai, Vuangtu, Hriphi, Hlamphei, Zaabung le Tluangram (khua 12) an itel kho i Phaikhua, Hmawngtlang le Kuhchah an itel kho rih lo tiah kan theih. HZYF cu Zophei khua 22, Hakha Thantlang Zophei minung an zapi Zophei mino phu (24) an itelnak Zophei Youth Organization (ZPYO) chungtel pakhat a si tiah theih a si.

 

About The Author

Na ruahning rak langhter ve.. (Leave a comment)

%d bloggers like this: