A Voi 3nak Panlong Conference July 11 Ni Ah An Tuah Lai

0

TCP-Online| 2018 June 30| Kum zabu 21 a voi 3nak Panlong Conference cu July 11-16 tiang khualipi Naypyidaw i International Convention Center ah tuah a si than cang lai tiah ramkomh ruahnakpetu Facebook Page nih a langhter cang.

June 29 ni khualipi Naypyidaw i National Reconciliation and Peace Center (NRPC) ah a voi 15nak Union Peace Dialogue Joint Committee (UPDJC) meeting ah a voi 3nak Panlong Conference cu July 11-16 ah tuah a si lai ti bia an chahmi a si.

Union Peace Dialogue Joint Committee (UPDJC) meeting ah Conference ca timhlamhnak kong, Conference hunnak ni ah Joint Ceasefire Monitoring Committee (JMC) nih langhter an duhmi kong, rampumpi kahdaihnak hnatlaknak Nationwide Ceasefire Agreement (NCA) minsen thut rih lomi chung in hriamtlai phu Ethnic Armed Organizations (EAO) sawmnak ding kong, Conference ah Observer in sawm digmi kong pawl hna ceihnak an ngei.

Tutan meeting ah hin Nationwide Ceasefire Agreement (NCA) ah min a thu rih lomi Ethnic Armed Organizations (EAO) chung in hriamtlai phu zeizah sawm an si lai timi kong cu ceihnak an tuah rih lo.

Ref; VOA

About The Author

Na ruahning rak langhter ve.. (Leave a comment)

%d bloggers like this: