A voi 3nk 21st Panglong Conference Zohfel Thannak Meeting An Tuah

Reflection Meeting on Union Peace Conference 21st Century Panlong Conference 3rd Session

Van Bawi Mang| 2018 August 27| A voithumnak 21st Panglong Conference i an ceihhmai mi kong zohfel thannak le fianhternak cu Chin National Front (CNF) he komh in Chin Center for Peace and Reconciliation (CCPR) tawl relnak in Thantlang ah August 21 – 23 tiang an tuah tiah kan theih.

Pu Zing Cung – Reflection Meeting on Union Peace Conference 21st Century Panlong Conference 3rd Session

“July thla chung ah tuah mi a voi 3nk kum zabu 21 Panglong conference kong kha fianternak le zohfel thannak kan ngei. Cun, a dang ceih mi pawl cu Peace Process Steering Team (PPST) ah ruahnak cheuh le a ra laimi tlang cung miphun hriamtlai vialte tonpumnak ah CNF nih Chin miphun ai-awh in a chuahpi ding le ceih hmai ding pawl hna an si,” tiah CCPR ah Program Director a tuan lio mi Salai Duh Hu Thang nih The Chinland Post a chim.

Reflection Meeting on Union Peace Conference 21st Century Panlong Conference 3rd Session

Kawlram kahdaihnak le federal ramkomh sernak lamthluan cu duh ning in a kal kho deuh lo, a nuar tiah kawlram daihnak lamthluan kong a thei mi fim thiam pawl nih an chim. Cun, a voithumnak kum zabu 21 Panglong conference hun-nak ah General Min Aung Hlaing nih, “Ramkhel party, Tlangcung hriamtlai bu hna cu mipi dih lak a ai -awh dih mi buu an si lo, kanmah ralkap lawng hi kan si. Cun, 2008 phunghram remh ding timi hi 2008 phunghram i aa telmi mumai 48 vialte zulh lawng in remh khawh a si lai,” tiah a chim mi hi atu lio kawlram daihnak lamthluan pi ah zumhnak a zorter kho i a nuar zong a nuar kho mi a si tiah an ruahdamh.

A voi 3nk Kum zabu 21 Panglong Conference cu July 11 -16, 2018 tiang Naypyidaw ah tuah a si i Union Accord caah hnatlak mi 14 an ngei kho. Avoi hnihnak lio hnatlak mi he fonh cun a zapi in 51 an ngei cang.+++

Na ruahning rak langhter ve.. (Leave a comment)

%d bloggers like this: