A Voi 52nk HBA BM Meeting & Pengkomh Khawmpi le Zokhua Baptist Church Biakinn Thar Pathian Sin Pekchanhnak Sunglawi Ngai in An Lim

0

HBA Pastor Thar Pekmi/Van Tling Thang

Salai Josephbawi| 2020 March 3| Hakha Baptist Association (HBA) i 52nk Management Board (BM) meeting, HBA ramchung pengkomh le Zokhua Baptist Church biakinn thar Pathian sin pekchanhnak cu khual minung (1000) leng, BM aiawhtu (320) hna tel in Hakha peng Zokhua ah February 27-March 1, 2020 tiang “ A hmaanmi tlinnak in Thlauraumi sinak (Jiem 2:12-28, Filipi 3:13) tlangtar in sunglawi ngai an lim tiah thawng kan theih.

HBA 52nk BM meeting le pengkomh khawmpi ahhin Pathian thawngtha chimtu ah 1. Rev. James Tin Kung ( Australia) 2. Rev. Chan Hnin Thui ( USA) 3. Pastor Hniar Hlun ( USA) 4. Rev. Tluang Ceu ( Chuncung) 5. Rev. Dr. Za Khar ( HBA President) hna le Choir in Hakha Baptist Church, Zion Baptist Church, Immanuel Baptist Church, Peniel Baptist Church, Tinam Baptist Church le Sang Fen Memorial Baptist Church hna, Singer ah Sayama Iang Len Sung hna nih caan biapi in an hmang tiah theih a si.

Tutan HBA 52nd BM le pengkomh caan hmannak ah HBA ramchung in pastor thar caah

  • Saya Thang Kung Hnin (ZABC)   – B.D (Nagaland, Serampore College)
  • Saya Za Bil Thang (ZABC) – M. Min (BTS)
  • Sayama Fam Nawn Ṭial (Zion) – B. Th (CCU), M.Div (MIT)
  • Sayam Fidy Sung Iang Len (Olive) – B. Min (CCU)
  • Saya Cung Chin Thawng (SMBC) – B. Th (CCU)
  • Saya Peng Hnin Thang (Lungphun) – B. Min (CCU)
  • Saya Ni Hre Lian (Carson) – B. Th (CCU) M.Div (MIT)
  • Saya Biak Hlei Sang (Nazareth) – B. Min (CCU) hna pek an si.

Ordination Reverent pekmi ah

  • Pastor Cung Hmin (MABC) – (Rian luh ni 1.3.2011: Service 8)
  • Pastor E. Sun Men (SMBC) – (Rian luh ni 1.4.1997 : Service 22)
  • Pastor Van Nuam (HBC) – (Rian luh ni 1.2.2014 : Service 5)
  • Pastor Van Cem (Bethlehem) – (Rian luh ni 19.2.2004 : Service 15) hna an si tiah theih a si.
HBA BM ah GS Rev. Nawl Cung Lian Biachim lio

Culawng silo in HBA ramchung ah Pathian rianṭuannak kum 25 le 30 a tling cangmi cu upatnak laksawng le medal an pek hna. Cu pekmi hna cu

  • Bual Sang (ZABC) 30 service; Upat peknak laksawng Ks. 100,000/-
  • Sang Hmun (MABC)  25 service; Upat peknak laksawng Ks. 75000/ le medal
  • Dawt Men (ZABC)  25 service; Upat peknak laksawng Ks. 75000/ le medal
  • H. Lian Hrin (ZABC) 25 service; Upat peknak laksawng Ks. 75000/ le medal
  • Ṭial Peng (BABC) 25 service; Upat peknak laksawng Ks. 75000/- le medal
  • Zaw Tah (Bethlehem) 25 service; Upat peknak laksawng Ks. 75000/- le medal

Caantling Pathian rian a tuan i pension pekmi hna cu

  • D. Ngun Thawng Mang (Zion Baptist Church) (Chuahni: 1.7.1959;   Rianluh ni: 1.4.1985; Service: 34)
  • Tluang Ceu (Chuncung Baptist Church) (Chuahni: 14.7.1959; Rianluh ni: 1.4.1985; Service: 34)
  • Bual Sang (ZABC) (Chuah ni: 5.8.1959; Rianluh ni: 1.6.1989; Service: 30) le
  • Van Maung Lian (Tinam Baptist Church) (Chuah ni: 25.9.1959; Rianluh ni: 1.4.1995 ; Service: 24) hna an si tiah thawng kan theih.

Hakha Baptist Association ahhin chungtel khrihfabu (55), milu 20,000 leng an um i area (3) Mie Area Baptist Churches, Zokhua Area Baptist Churches le Buanluang Area Baptist Churches le Local in church (17) an itel tiah theih a si.

About The Author

Na ruahning rak langhter ve.. (Leave a comment)

%d bloggers like this: