Kum 61nk KIO/KIA Dohthlen Ni Lawmhpinak cakuat: CNF

Post Staff| 2022 February 5 — 2022 February 5 Kachin Independence Organization/Army (KIO/A) nih hruainak in Kachin miphun hna, mah tein khuakhan lairel khawhnak caah Dohthlennak rak thok kum 61 a tlin caah ni sunglawi ni a si.

Dohthlennak a hruaitu upa hna le dohthlennak caah a nunnak a pemi ralkap vialte upatnak kan in pek hna tiah Chin National Front (CNF) nih an ṭial.

Hi bantukin kum 61 tiang a kal khawhnak hi ramkhel lei dirhmun fek tuk nan ngeih ruang, lung i rualnak le, hruaitu hna i khuaruah khawhnak ruang ah a si bik ko.

Zalon luatnak, tlukruannak le mah tein khuakhan lairel khawhnak a ummi Federal rampi (Ramkomh) serkhawhnak ding ral kan tuknak ah u le nau kan si bantukin lungrual tein a dongh tiang kan doh ṭi lai timi i hawikomhnak hmelchunh zong aa tel chih.

Min Aung Hlaing hruainak in hramhram uknak lak a si caah mipi hna a lamkip in harnak kan tonmi cungah mipi duhnak zul in ralṭha tein na dohnak cungah le Federal rampi dirh in mah tein khuakhan lairel khawhnak nan timhmi cung ah teinak hmu hram ko timi thlacampiaknak zong CNF cakuat ah hmuh khawh a si.

CNF i a hraimtlai phu simi Chin National Army (CNA) hi a lua cami 1988 in CNF nih hriamtlaih in dohthlennak a thawk ri thawk in nihin tiang raltuk lei ah a cawnpiaktu hi KIO/A an si tiah theih a si.#

Na ruahning rak langhter ve.. (Leave a comment)

%d bloggers like this: