A zaam in aa thup lengmangmi ralzaam nun
The Chinland Post | 2022 May 20 – Karen ram ah hngakchia telh in himnak hmun ah a dormi ralzaam hna cu SAC ralkap nih kahdohnak a tuah lengmang ruangah an i thuh cianak hmunhma lila ah him deuh in an i thup chin tiah ralzaam a bawmtu Free Burma Rangers (FBR) phu nih hmanthlak he thawng an thanh.
Ralzaam hna nih SAC ralkap kuan he aa hlatnak khor chungah titkhawt ngai in an i thup.
A kualhnak a tamtukmi khor chungah bawh buin an kal kha hmuh a si tiah a chim.
Karen ram, Thahton pengkomh, Laykaykaw hmunhma ah Karen khuate cu vanlawng le hriamngan pawl hmang in kahdohnak a tuah caah khuate pawl a kaang, hma a pumi zong an um tiah a chim.
Vawlei ralpi pahnihnak hnu in a fak bik ton a simi Myanmar ramchung kahdohnak ruangah umnak hmun kaltak in a zaami 1 million leng an si cang tiah UN le ralzaam bawmtu Free Burma Rangers nih a thanh.
