AA Hnahnawhnak Ruang Ah Kaladan Tiva Hlei Sak An I Din

Salai Cung Cung|2019 March 27| Chin ramkulh Paletwa peng  Kaladan tiva hlei sak cu Rakhine ralkap AA hnahnawhnak ruang ah an i din tiah kan theih.

Paletwa khua pawng Kaladan tiva hlei saknak ding ah thilri arak phormi Tilawng pakhat cu March 16 ah AA ralkap nih an kah ruang ah tu ni tiang riantuan kho ti lo in an i din tiah kan thieh.

“Hi hleisaknak caah tiin Tilawng nih thilri a rak phorhmi mei nih a kangh dih caah hman awk tha le tha lo Japan thiamsasng pawl nih zohfelnak an ngei lio a si. Hi thilri pawl hman than khawh a si ah cun a herhnak zong tete ah kan hman than ko lai. Tu lio cu kan vun i dinh ta lio a si” tiah Minister U soe Hteh nih a chim.

Hlei ca a herh mi thilri pawl zong rak phorh ding ah chikkhat an i ding tiah kan theih.

Hi Kaladan Tiva hlei cu Chin ramkulh Paletwa lei caah a herh tuk mi a si i tubantuk AA nih an hrawh ruang ah hin thachonak lei ah harnak tampi a um tiah Khumi media Peter nih a chim.

“Hi hlei cu kan mah Chin ramkulh chung peng le tlang aa dang mi pakhat le pakhat pehtlainak caah a herh tuk mi a si. Chaklei Laitlang ah cun pakhat le pakhat pehtlaihnak caah Motor Lam tha tein an tuah dih cang. Asinain kan mah Matupi le Paletwa pehtlaihnak lam caah hi hlei hi a herh tuk mi a si. Hi hlei a tlamtlin dih hnu lawng ah Paletwa le Matupi motor lam hi a tlamtling lai. Hi tluk hlei kan caah a herh tuk mi saknak ding caah thilri pawl an hrawh dih hi cu ka lungtha lo ngai. Khuami zong thanchonak lei ah harsa ngai lai. Kawl ralkap pawl an kah duh le an lungtling lo ah cun an mah kawl ralkap kha ti ding an si ko tiah ka ruah. Cun hi bantuk an tuah hi a tha lo ngai, Chin ramkulh chung a si caah an i ralrin deuh awk a si. An duh cun an mah Rakhine ram lei ah an tuah ding a si” tiah Peter nih a chim.

Hi Kaladan Tiva Hlei cu 2016 in sak hram an rak thawk i 57% hrawng an dih cang. A ra laimi Chin Miphun Ni ah hunnak tuah ding timh tuahnak an ngei ko nain tubantuk hnahnawhnak a um than rih ah cun riantuannak lei a nuar deuh lai tiin khuami an thinphang ngai tiah kan theih.

Ref: Khonumthung

Na ruahning rak langhter ve.. (Leave a comment)

%d bloggers like this: