AA Le Kawlram Palek Buainak Ruangah UNHCR Khuallian Myanmar Cozah Nih A Khuallam An Thawnpiak
Salai Elvis| 2019 January 15| Rakhine ramchung rampi humhimnak vengtu palek le AA ralkap karlak buaibainak ruangah UNHCR khuallian cu Rakhine ram tlawngding a si nain humhimnak kongkau lei a buai pah caah Myanmar cozah nawlngeitu hna nih a khuallam a thawnpiak than tiah AFP nih a tial.
A luancia zarh chungah UNHCR lutlai pakhat a si mi Filippo Grandi cu Rakhine ram tlawng ding in timhtuahnak a rak ngei. Asinain, a khuallam kongah humhimnak vengtu leikap in buaibainak a um rih caah a khuallam an thawnpiak than hi a si.
January 4 zinglei ah Bo-ti-taung peng humhimnak vengtu palek sakhan hmunli cu AA ralkap nih an rak kah hna. Hi chungah palek minung 13 an thi. Cu hnu zong ah pehzulh in an i kap than. A tu lio Rakhine ram buainak kongah UN lei zong nih an ngiatthlai ngai hna tiah theih a si.
Ref: One News MM
About The Author
