AA nih kah ruangah ralkap le palik tampi an thi, palik bawi telh in 14 an tlaih hna
The Chinland Post | 2022 July 19 – Rakine ram, Maungdaw peng zinglei ah SAC ralkap le BGF pawl cu AA nih an kah hna i ralkap le palik tampi an thi, 14 an tlaih hna i hriamhme 27 kan chuh khawh hna AA biachimnak nawl a ngeitu Khine Thukha nih Arakan Princess Media ah a chim.
KNU battalion 5 hmunhma ah a ummi AA sakhaan cu July 4 ah SAC nih vanlawng 2 in a kah caah AA ralkap 6 an thi i cheukhat hliam an tuar caah Khine Thukha nih a chim. SAC ralkap le BGF pawl an i telnak mawṭaw AA nih an kahnak muicawl cu Arakan Princess Media nih a langhter i mawṭaw cungah ralkap le BGF a thimi an um bantuk in, hriam chiah in a sung pemi zong hmuh khawh a si.
A thimi le hliam a tuarmi tampi an um i palik bawi telh in a sung pemi 14 an um i, pistol zuun 2, hriamhme 25, kuan le zen tampi cu AA ralkap nih an fim tiah theih a si.
Zinglei ah kahdohnak voihnih a chuak i SAC ralkap nih bawmtu le hriamngan in kah a bawmh tiah theih a si.
Muicawl zoh khawhnak – https://fb.watch/el_NvWpoAU/
About The Author
