AA Nih Tlaihmi Suh Htoo San Company Riantuantu 8 Thlah An Timh Hna

Salai CungCung|2019 May 16| Chin ramkulh Paletwa peng India-Myanmar ramri ah lam cotu Suh Htoo San Company riantuantu cu AA nih March 30 ah minung 13 an rak tlaih hna i a hnu deuh ah minung 5 an thlah than hna. A taangmi 8 zong an nung dam ko i AA nih thlah an timh hna tiah kan theih.

Cu a tang mi 8 konglam cu BBC News nih an konglam a hlathlai tikah AA lei in chimnak nawlngeitu nih kan tlaihmi pawl cu dam tein an um ko, cun thlah ding in timhtuahnak zong kan ngei nain tu lio cu kahdohnak a chuah peng caah le adang dang harnak tete kan ngeih caah kan thlah rih hna lo tiah a chim.

Hi banntuk in Paletwa peng ah minung an tlaih mi hna cu March 30 ah khan minung 30 an tlaih hna i April 1 ah Nu pa 3 le Pa 2 an rak thlah than hna i AA kut ah minung pa 8 an tang rih . Hi a tang rih mi minung pa 8 cu AA lei nih thlah than ding in timh tuahnak an ngei hna tiah kan theih.

Kahdohnak a chuah lio ah khuami a si lomi an hmuh sual hna caah a herh ning in chekfelnak tuah dih hnu ah kan tlaih mi hna hi an si tiah AA lei lei nih an chim.

Chin ramkulh Paletwa peng February 14 ah kahdohnak fak ngai in a chuak i ka dang hmundang zong ah kahdohnak a chuak peng rih ko tiah kan theih.

Myanmar-Bangladesh ramri ah kahdohnak a chuak pengmi hmuh ton a si rih caah AA nih an tlaih mi hna 8 cu thlah than ding ah tihphannak a um tiah an chim.

Tu lio AA kut ah a ummi an tlaihmi hna hi minung 12 an si tiah AA lei Chimnak nawlngeitu nih a chim.
Ref: BBC

Leave a Commnet

%d bloggers like this: