Aa Thialkam Mi Bawm Unau Zohkhenhnak Kong Ah Thantlang Penguk Zung Nih Committee A Ser

Salai Elvis| The Chinland Post| 2019 November 5| Chin ramkulh Matupi pengkomh, Paletwa peng Miza khuate ah a um mi Bawm phun unau hna cu Thantlang peng Tikir khua ah i thialkam dingin tihtuahnak an ngeih mi cu Thantlang penguk zung nih caan karlak zohkhanh nak caah Committee a ser tiah kan theih.

An khuallam ah harnak le buabainak an ton sualnak hnga lo caah le Tikir khua an phak hlan tuanvo lak dingin Penguk zung nih Committee a ser hi a si.Cu Committee chungah thihruaitu Commiitee (Paletwa peng Miza khua in Tikir khua an phak tiang tlamtling tein tawlrel tu ding, mincazin, ngandamnak le fimcawnnak kongkau an herh mi zohkhenh piak hna ding). Khual dongtu Committee, Ngandamnak kongkau tawlrel tu Sub-committee le din-ei kongkau tawlrel tu Committee tiin an ser.

A tu bantuk in Miza khua, Bawm phun unau hna cu Tikir khua ah i thialkam dingin inn chungkhat (14) in minung (86) an si lai i Hnaring khua ah caan karlak an i din ta lai, Thantlang ah an lan colh lai i Town Hall ah ei-dinnak le i dinhnak an tuah piak hna lai tiah theih a si. Thantlang an um chung naupawi mi telh in ngandamnak kongkau felfai tein zohkhenh ding Committee ser mi hna nih tuanvo an lak hna lai.

Bawm phun unau an umnak ding caah tiin Tikir sii-inn thlang ah Na-tah-la nih inn 20 leng sak cia in an chiah piak cang hna. A sinain mah hna pawl cu zeitik dah an rat lai timi a fiang rih lo. +++

 

Leave a Commnet

%d bloggers like this: