Academy Laksawng Pahnih An Hmu Lai Ti A Ruahdamhmi Hein Wai Yan Nih A Phuan
City Hunter| 2018 March 22| Baisakup thapetu hna fekte in a ngeimi Myanmar ram lemcang thiam fitlaw pakhat a simi Hein Wai Yan zong hi academy laksawng pek ding ah lung a tor ngaingaimi lemcang thiam pakhat a si.
Lemcang thiam Hein Wai Yan nih arauh hlan ah tuahdingmi Academy laksanwg caah a lungtormi le a zumhmi a facebook ah a hun langhter ve. Ka ruahdamhmi he aa kalh sual le ka palh ahcun thapetu vialte nih ka ruatthiam te uh, ka zumhmi ka hun chimphuan ve ko lai tiah Hein Wai Yan nih a facebook ah a tial.
Academy laksawng cotu ding a ruahdamhmi pahnih cu a tha bikmi baisakup muicawl le Director laksawng a si. A tha bikmi baisakup muicawl cu “ထာ၀ရအေမ timi le a tha bikmi Director cu U Zin Yaw Maung Maung/U Nyunt Myanmar Ngyi Ngyi Aung” an si lai tiah a tial.
2017 caah Myanmar ram academy laksawng peknak cu March 23, Mindamah laam, Myanmar Event Park ah an tuah lai. Hi academy laksawng peknak ah Rampi Ruahnak Petu zung in Daw Aung San Suu Kyi a kai lai tiah chimnak nawlngeitu U Zaw Htay nih a chim.
1952 kum in thawkmi Myanmar ram baisakup (academy) laksawng peknak tuanbia ah cozah lei in a sang bik an i tel cu nikum ahkhin a si. Nikum academy laksawng peknak ah Vice President Henry Van Thio nih a telpi hna. Tukum cu rampi ruahnak petu zung in Daw Aung San Suu Kyi aa tel lai caah Myanmar ram cozah in a sang bikmi a hmasa bikmi aa tel lai a si lai.
Ref: Shwemom
About The Author
