Ahlankan I Runvenak Caah Thantlang Peng Khuakip Meilam Phiahter Dih An Si Lai
Salai Elvis| 2018 March 12| Thal caan a chuah cang bantuk in Thantlang peng khuate kip ah a hlankan in meilam phiahter ding thawngthanhnak an tuah colh hna lai tiah thawng kan theih.
March thla le April thla cu lo duah a si cang lai caah a tu bantuk in Thantlang peng mei phelh zung nih a hlankan in mei ralrinnak caah thawngthanh an timh hi a si.
“Kum tinte khuapi he khuate lei he tuah tawnmi cu a si ko. Tukum zong a hlankan in mei ralrinnak caah khuapi le khuate lei zong meilam phiah dih dingin tu thla dih hlan hrim ah tuahter dingin thawngthanh an si lai. Atu hi sangchung khuabawi le penguk zung lei zong khuate kip ah thawngthanhter dingin mei phelh zung lei nih bawmh kan hal cang hna. A ruang cu zei hauha lo in loduahnak maw pakhat khat duahnak ah inn kang mi a tam pah tikah mei kongkau cu chimh khawh a si lo caah a hlankan in mizapi ralrin kan pek hna hi a si. Pakhat khat mei a kangh tikah rianrang in chawnh a kan duhmi nih 070 -60224 ah chawnh khawh kan si” tiah Thantlang mei phelhnak zungbawi Pu Sui Cung Lian nih TCP ah a chim.
2017 kum Thantlang peng chungah mei ruangah inn pakhat a kang tiah theih a si.
About The Author
