Akum 71nak Chin Miphun Ni Ah Nun Can Sung Khuangcawi A Si

Tawk Tling Thang| 2019 February 21| Chin ramkulh huap in Hakha ah tuahmi Akum 71nak Chin Miphun Ni ah sunglawi ngai in Nun Can Sung khuangcawi a si.

Pi Nun Can Sung (kum 36) a chuahkehnak cu Thantlang peng, Congthia khuami Pu Zung Mang le Pi Far Vang fanu a si. Amah hi Senthang peng, Phaizawng khuami Pu Lai Luai Hmung he an i thitum hnu ah fapa pathum le fanu pakhat an ngei. Pu Lai Luai Hmung hi Phaizawng khuami Pu Thang Nawn (tleicia) le Pi Ni Zi fapa a si. Amah a phun hi Thianhlun phun a si.

Nun Can Sung hi 2010 kum Hakha peng, Phaizawng khua ah khuang an rak cawi bal cang.  Tukum hi Hakha khuanu khuapa nih Senthang an fial hna. Senthang upa zapi hnatlaknak in Pi Nun Can Sung cawi ding in biakhiahnak an tuahmi a si.

Hiti nutung khuangcawi a simi ruang ah mi tam u nih an soisel ngai hna. Asinain, hi kong he pehtlai in MP hlun Pu Chan Pum nih, “Khuangcawi muru taktak ahcun ngaknu cawi phung a si lo, nutung cawi an si. Pasal le nih an nupi le upat, sunhsaknak caah an rak tuahmi a si” tiah The Chinland Post ah a chim.

2017 kum avoi 69nak Chin Miphun Ni ah Hakha Khuathar in Mai Biak Tha Cuai khuangcawi a rak si. 2018 kum ah Hakha Khuahlun in Mai Run Sung an rak cawi. 2019 kum ahcun Senthang nih tuanvo laak in Pi Nun Can Sung an cawi lai.

Na ruahning rak langhter ve.. (Leave a comment)

%d bloggers like this: