Akum 72nak Ramkomh Ni Tlik Aa Zuammi 75 Laksawng Phundang Cio An Pek Hna

Salai Cung Cung |2019 February 12| Hakha ah tuahmi akum 72nak Ramkomh Ni (Union Day) 5 kilometer tlik zuamnak ah nu he pa he minung 700 hrawng tlik an zuam i minung 75 cu laksawng phundang cio an pek hna tiah kan theih.

“Tukum cu tlik zuamnak lawng kan tuah. Hi tlik zuamnak ah hin minung 700 hrawng an chuak kho i nu he pa he minung 75 lawng laksawng kan pek hna. Hakha Vomtumawng certual in zing suimilam 6:15 in an tli i Hakha ramkulh cozah zung tiang an tli” tiah Hakha peng Zanglekcelhnak zung lutlai Pu Jacob nih The Chinland Post ah a chim.

tlik aa zuammi hna

Hi tlik zuamnak ah pakhatnak laksawng cu tangka 300,000, pahnihnak 200,000, pathumnak 100,000 cu nu le pa then in an pek cio hna. Cun minung pa 7 cu tangka 50,000 cio le minung 10 hi tangka 30,000, minung 30 hi ks. 10,000 cio le minung 25 hi Milo fun nganpi funkhat cio laksawng nu he pa he laksawng an pek hna tiah kan theih.

Photo: Hakha IPRD

Leave a Commnet

%d bloggers like this: