Alumni Association Of CCU Hruaitu Thar Thimnak An Tuah
Salai Cung Cung|2019 March 16| CCU (Chin Christian University) Sianginn in a dihmi hawikomhnak Bu AAC nih General meeting le hruaitu thar thimnak cu March 16 HBA Hall ah an tuah tiah theih a si.
“Kannih hi CCU in Sianginn a dihmi lawng te kan si caah kan i tinh bikmi cu CCU thanchoter le kan si khawh tawk tein dirhkamh hi a si. CCU ca lawng ah rian a tuanmi kan si” tiah HBA Youth Pastor Van Tling Thang nih The Chinland Post ah a chim.
CCU Siangngakchia chuak hi minung 1600 leng an si cang tiah kan theih. 2019-2020 tiang CCU chuak i hawikomhnak Bu, AAC hruaitu ding in thimmi pawl cu, President ah Pastor Van Tling Thang, Vice President ah Saya Za Hnin Thang, GS ah Pastor Lian Tin Sang, Treasurer ah Sayamah Tluang Khen Sung, Assistant ah Pastor Dong Khan, Sport Leader ah Pastor Ni Hre Lian an si tiah kan theih.
Meeting a kai khomi cu 38 leng an si. Biatawi chimnak ah CCU Vice President Dr. Sang Zi le AAC President Pastor Van Tling Thang an si. AAC nih timh tuahnak a ngeihmi pawl cu; AAC Day tuah ding, Vesper service ah caan hman ding, Endowment Fund chiah ding, AAC Award pek ding, Doctorate Degree lami lawmhpi ding biachahnak an ngei tiah kan theih.+++
About The Author
