Amarillo_USA Um Chinmi nih CNF Camp Victoria Dinti thiang Tuahnak An Bawmh

0

Dinti An Tuah Cuahmah Lio Nov.13 Hmuhning

US ram um Amarillo um Khua nupa le mino hna nih CNF Camp Victoria Dinti thiang (drinking water) tuahnak caah anmah le siantawk an ithawh i Sing 2,081,200 kyats (USD 1350) man an bawmh hna tiah theih a si.

Din ti thiang tuahnak seh pathum, tikhonnak tipung le innkip chiahnak dinti pung tuahpiak an si I November 14 ah din khawh a si cang tiah theih a si.

Camp Victoria dinti bawmchannak kong he pehtlai in tawlreltu Mai Meriam Sui Tin Tial nih “Kan Chin ralkap hna tithiang an din khawhnak ding caah, kan bawmhchanh duhnak bik hna a ruang cu, a pakhatnak ah kan rian a si ti in kan i hmuh. Kan i ngeihchunhmi hna kan ralkap hna tithiang din awk an ngei lo ti kan hmuh theih tikah, kan lung aa nuam hrim lo i, kan daithlanh ngai hna timi zong a langter. Kum saupi hmunhma umnak ngeih loin, kaakip in kan miphun caah rian an tuan i a kan kilven. Kan ralkap hna nih, minung i kan herhbik mi (basic needs) rawl le ti thiang an din khawhnak ding caah bawmhchanh hna ding cu kan rian asi. Miphun pakhat kan si bantuk in, kan miphun kilvengtu caah ralkap kan herh. Pumpak kan si khawhtawk in i zuam i kan Chin ralkap hna zohkhenh ding cu kan rian a si.” tiah The Chinland Post ah a chim.

“Kum saupi,kan miphun kilvennak ding caah harsatnak tampi le kan caah an nunnak a  liammi hna kan Chin ralkap hna hi philh hna hlah u sih law daithlanh hna hlah u sih. Kan hrampi le kan rak i thawknak hna hi i cinken in philh hna hlah u sih. Kan ram le miphun, kan Chin ralkap nih a kan herh. Kan miphun thanchonak ding le thlen khawhnak ding cu nangmah le keimah kut cungah a um.” tiah a biapeh ah a chim.

“Camp Victoria I dinti hi tisa sohnak um le bel in so a si tikah rim thaw lo ngai in ti kan din tawn. Tutan Amarillo mino nih an kan bawmhnak thawng in abiapi bak mi kan ralkap, kan chungkhar le kan fa ngandamnak tampi a kan thathnem lai. Kan I lawm taktak” tiah Camp Victoria Sakhan hmu nih The Chinland Post ah a chim.

Camp Victoria cu Thantlang peng Tlanglo khuataw Tio kam ah a ummi a si I tulio Kahdaih hnatlaknak min a thumi Chin National Front (CNF) le an ralkap Chin National Army (CNA) chungkhar an umnak a si. CNA chungkhar Zapi dinti laknak, electric mei, herhbau le eidinnak caah ramchung ram leng biaknak lei bawmhchannak siseh, zatlang le pumpak pakhat cio bawmchannak in khua an sa tiah theih a si.

About The Author

Na ruahning rak langhter ve.. (Leave a comment)

%d bloggers like this: