America Maine Sii-inn Ah Ward Aa Khatmi Nurse 9 Fa An Pawiti

TCP-Hakha| 2019 March 28| America ram Maine ramkulh sii-inn ah nurse 9 cu a rauh hlan ah an thla a tling lai i fa an hring lai tiah theih a si.

Hi nurse minung 9 cu Portland khua Maine ramkulh sii-inn ah nurse rian a tuanmi an si, rian an luhnak ward zong an i khat dih ti a si. An minung 9 ningte in April thla le June thla kar ah  nau an ngei cio lai.

Hringtu nu a si dingmi an 9 caah kaan lawmhpi hna tiah sii-inn nih social media nih an thanh. Cuti an conghlawmh hna nak hmanthlak ahcun nurse hi minung 8 lawng an si.

Fa ngei an si caah hmunkhatte ah rian an i dinh (leave an laak) chung lai caah riantuantu thazaang a der lonak ding sii-inn nih a hlankan in timhtuahnak a ngeih tiah theih a si.

Ref: Akonthi