America Um Sianghleirun Siangngakchia 6 Chinram Ah Internship In An Ra Lai

TCP-Kalay |2019 April 8| North America (CYO NA) nih 2019 kum thal sianginnkhar caan ah siangngakchia 6 cu Chinram  ah Internship program in an thlah hna lai. Chinram internship kalnak dingah CYONA nih sokhlua(form) phitnak an tuahmi chungin Nu 5 le pa 1 an thim hna.

An thlahmi minung 6 cu; Chin Christian University (Hakha) ah Rosie Bawitha Par le Jasmine Par, Chin Human Rights Organization (Hakha) ah Esther Hniang Cer le Hram Sang, Foster Education Foundation (Hakha) ah Lucy Iangmen, Chin Center for Peace and Reconciliation (Hakha) ah Mercy Vannun Par May thla in July thla dih tiang rian an tuan lai.

 

Thimmi ah aa tel vemi mi 6 lakah Rosy Bawi Tha Par nih,  “kum 5 ka si in America ka rak phan cang. Pathian dawtnak thawng in miphun dawtnak ka lungthin ah a um peng. Cun Chinram ah tlawn duhnak lawng silo in Sianginn pakhatkhat ah ca chimh rian bawmh duhnak ka ngei peng” tiah a chim.

Thimnak ah aa telmi hna cu America ram University kip ah Engineer, Political Science, human resource Management, Mathematics le subject dang hna a cawng cuahmah lio mi an si.

Tutan ah minung 3 hi CBCUSA Youth Department nih sponsor an kan tuahpiak caah an cungah kan ilawm tuk. CYONA nih Chinland Internship Program kan tuahmi a rak sawk tu vialte cung ah kan i lawm. Hmaikum March thla lei ah kan onh than lai. Rak sawk than ding in kan i sawm hna tiah facebook page ah an langhter.

Leave a Commnet

%d bloggers like this: