April thlakhat chungah inn 3,500 leng khangh a si

The Chinland Post | 2022 May 2 – A luancia April thla chungah SAC ralkap nih inn 3,514 an khangh tiah Data for Myanmar nih May 1 ah a thanh.

Sagaing ramṭhen lawngah inn 2,512 khanghpiak a si. Cu chungah, Khinoo peng ah inn 529 khanghpiak a si. Magway ramṭhen ah inn 951 khanghpiak a si i Pauk peng ah inn 748 khanghpiak a si.

SAC nih hramhram in uknak a lak hnu in 2022 April 30 tiang kumkhat le thlathum chungah ram pumpi in khanghpiak a tongmi inn 1,1400 leng a si cang.

Sagaing ramṭhen peng 26 ah 7,500 leng, Magway ah 2,100 leng, Chin ramkulh ah 1,100 leng khianghpiak a si. Pale peng hi inn khanghpiak a tambik nak hmun a si i inn 2,100 leng a kaang.

A tu langhter mi cazin hi mipi bawmtu phu pawl, ralzaan bawmtu phu pawl cazin charhchan in langhter mi a si caah a taktak ah a tam deuh kho tiah Data for Myanmar phu nih an chim.

Na ruahning rak langhter ve.. (Leave a comment)

%d bloggers like this: